Опис на обука

Во обуката преку двете програми од Cоdemonkey платформата – Coding Adventure и Dodo Does Math децата се запознаваат со програмирањето и програмерските концепти.

Coding Adventure е програма за кодирање со текст во форма на игра, во која преку предизвиците од кои е изградена играта и програмскиот јазик децата учат да кодираат.

Во програмата се користи програмскиот јазик CoffeeScript, кој е сличен со JavaScript и примарно се користи за развивање на веб апликации. CoffeeScript има разбирлива синтакса која е слична на aнглискот јазик што ја прави соодветен избор за вовед во програмирањето.

Во Coding Adventure на забавен начин преку игра, се изучуваат програмерските концепти:

Објекти / Objects
Варијабли / Променливи вредности / Variables
Низи и индекси / Array and Indexеs
Циклуси / Loops
Логика на услови / Boolean Logic
Споредби / Comparisons
Функцици / Functions
Вредности / Return Values
Работа со настани / Triggering Events

Dodo Does Math е програма каде децата користејќи го програмскиот јазик CoffeeScript ќе научат да решаваат различни видови на математички задачи. Низ оваа програма децата ќе ги вежбаат математички концепти: должина, собирање и одземање, множење, мерење и агли.

Цели на обуката

Стекнување на знаење и вештини од областа на програмирањето. Развој на критичко размислување, разбирање на суштината на проблемите, проследено со развојот на трпеливост при програмирање. Децата ќе научат да претставуват и интерпретираат податоци на кои ќе применат математички и геометриски концепти, како и да проценат, дефинираат и спроведат функции кои ќе ги искористат како сет инструкции за решавање на реален проблем. Преку тимска работа и активности за учење во група, ќе се развива способноста за критичко расудување, креативноста и самодовербата кај децата.